Pwy ydym ni? A beth ydym yn ei wneud?

‘Rydym yn fudiad sy’n cael ei arwain gan bobl ifanc, ar gyfer pobl ifanc sydd â diddordeb mewn creu dyfodol diogel a chynaladwy i bawb. Mae Datbygiad Cynaladwy yn ymwneud â chyfarfod ag anghenion y presennol, heb gyfaddawdu ar allu cenhedloedd y dyfodol i gyfarfod â’u hanghenion hwythau. Mae’r Fforwm yn anelu at gyflawni hyn, gan weithio ar dair prif egwyddor: Grymuso, Addysg a Gweithredu.

Grymuso:

Anogir yr aelodau i leisio eu barn ar faterion y maent yn teimlo’n gryf yn eu cylch. Mae’r mudiad yn rhoi llais i’r bobl ifanc hyn; llais sy’n cael ei glywed gan wneuthurwyr penderfyniadau ar bob lefel o gymdeithas a llywodraeth.

Addysg:

‘Rydym yn meddwl ei bod yn bwysig drosben fod pawb yn ymwybodol o ddatblygu cynaladwy a materion cysylltiedig. ‘Rydym yn credu mai addysg gyfoedol (pobl ifanc yn dysgu pobl ifanc) yw’r ffordd orau i ledaenu gwybodaeth yn y tymor hir, ac anelwn at greu adnoddau addysgol a gynhyrchir ac a ddarperir ar gyfer pobl ifanc gan bobl ifanc.

Gweithredu:

‘Rydym yn credu bod datblygu cynaladwy yn gofyn i bob un ohonom weithredu, fel unigolion yn ogystal â fel rhan o’r fforwm. Cyn gweithredu mae’n bwysig i gael addysg a hel gwybodaeth.

‘Rydym yn gweithio ar hyn o bryd ar y prosiect hwn ar Newid Hinsawdd sef ein prosiect mwyaf uchelgeisiol hyd yma.