Wel, am ddiwrnod! Mae hi i’w weld bod trwy’r holl fyd, mae pobl wedi bod yn rhan o’r symudiad bendigedig mae pawb yn ei alw yn 350.org!
Yn Aberystwyth, lle ‘roeddwn i, treuliom y diwrnod ar y traeth ger y bandstand, yn annog pobl i ‘sgwennu addewid hinsawdd ar fflag, a gafodd ei wneud i mewn i siâp 350 am 3:50yp! Mi oedd yna llawer o bobl yn cymeryd rhan, ac mi hoffwn i, yn bersonol, ddiolch yn arbennig i’r garfan o fyfyrwyr o Brifysgol Aberystwyth a daeth i’n helpu i drefnu’r digwyddiad (ac, wrth gwrs, Anna!).
350 ar draeth Aberystwyth
Yng ngogledd Cymru, penderfynodd grŵp o bobl ddringo Eryri am rhyw rheswm od (3,500 troedfedd - a ydych chi’n sylwi ar batrwm yn ffurfio eto?) ac i amgylchunnu’r pen. ‘Rwy’n deall bod rhaid i rhai droi yn ôl oherwydd tywydd garw, ond da iawn i’r rhai aeth ‘fyny i’r top! Dyma fideo o ddigwyddiadau’r diwrnod:
Mi fydd yna luniau ar y wefan yn fuan, felly daliwch arno! Hefyd, os ydych chi’n ffeindio eich hunan yn Efrog Newydd ‘nawr, cadwch i wylio’r sgrîn mawr yn Times Square – efallai y cewch chi weld pobl ifanc Cymru yn ymgyrchu dros newid hinsawdd…
Cariad
Cadan x
Dilynwch ni ar Twitter
10:10
Hyrwyddwyr Newid Hinsawdd